Beaufort research

Mae Beaufort wedi meithrin arbenigedd sylweddol wrth gyflawni heriau penodol wrth gynnal cyfweliadau, grwpiau ffocws a chyfweliadau manwl o blith y gymuned fusnes. Yn ogystal â chynnal amrywiaeth o brosiectau ad hoc ar gyfer y sector cyhoeddus a’r sector preifat, mae Beaufort wedi datblygu ei arolwg omnibws busnes ei hun, a gynhelir ddwywaith y flwyddyn.  Y mathau o wasanaethau a ddarperir yn rheolaidd gan Beaufort yw:

• Astudiaethau sgiliau – archwilio lefelau sgiliau, bylchau mewn sgiliau a’r galw am hyfforddiant ymhlith gweithluoedd amrywiol.
• Boddhad â gwasanaethau – archwilio boddhad â gwasanaethau cymorth busnes.
• Menter a gwerthuso polisïau – asesu’r effaith a’r prosesau sydd ynghlwm wrth amrywiaeth o ymyriadau busnes y llywodraeth.
• Hwyluso strategaeth – hwyluso gweithdai a thrafodaethau grŵp i lywio’r gwaith o ddatblygu sectorau busnes allweddol yn strategol.
• Cyfraddau parhad busnesau – ymchwil hydredol sy’n archwilio cyfraddau parhad busnesau a gofynion ar gyfer busnesau newydd o ran cymorth a hyfforddiant.
• Arolygon rhanddeiliaid – rhoi adborth i sefydliadau’r sector preifat a’r sector cyhoeddus ar ganfyddiadau eu rhanddeiliaid allweddol ohonynt
• Arolwg omnibws busnes – arolwg ddwywaith y flwyddyn sy’n archwilio barn, agweddau ac ymddygiad 500 o BBaChau ar amrywiaeth o faterion - am ragor o fanylion cliciwch yma.