Arolygon Omnibws
Mae arolygon omnibws yn ddull sefydledig
o gynnal ymchwil y farchnad ac ymchwil gymdeithasol.
Fel y mae'r enw'n awgrymu, maent yn galluogi grŵp o
ddefnyddwyr i rannu'r un arolwg, gan fanteisio
ar gostau is.
Mae tanysgrifwyr i wasanaeth omnibws yn ei brynu ar sail faint o gwestiynau maent am ofyn i’r sampl a’r math o gwestiynau. Yn ymarferol, felly, mae pob tanysgrifiwr yn rhannu’r gost o gyfweld a chostau cyffredinol eraill gyda chyd-gleientiaid. Mae gan bob cleient fynediad i nifer o wahanol gwestiynau demograffig y gellir eu defnyddio i ddarparu is-ddadansoddiad o ganlyniadau.
Mae Beaufort yn cynnal pedwar arolwg Omnibws gwahanol ymysg cynulleidfaoedd gwahanol:
Omnibws Cymru - 1,000 o gyfweliadau ag oedolion 16+ oed yng Nghymru
Omnibws Siaradwyr Cymraeg - 500 o gyfweliadau â Siaradwyr Cymraeg
Omnibws Busnes – 500 o gyfweliadau â busnesau bach a chanolig yng Nghymru
Omnibws Plant – 500 o gyfweliadau â phlant rhwng 7 a 18 oed ledled Cymru
Mae sawl ffordd y gellir defnyddio arolygon Omnibws, ond ymhlith yr enghreifftiau o sut mae cleientiaid wedi defnyddio’r gwasanaethau mae:
- Mesur ymwybyddiaeth o ymgyrchoedd cyfathrebu a’u heffaith
- Fel mesur parhaus o foddhad cwsmeriaid
- Mesur ymwybyddiaeth o gynnyrch neu wasanaeth, y defnydd ohono ac agweddau tuag ato o gymharu â’r gystadleuaeth
- Mesur ac tracio ymwybyddiaeth a barn ynghylch hysbysebion
- Fel mesur hydredol o newidiadau mewn agweddau cymdeithasol
- Archwilio ymateb i ddeddfwriaeth arfaethedig neu newydd
- Meintioli hyder busnesau a hydwythedd y farchnad
- Mesur ymwybyddiaeth o wasanaethau newydd a gynigir a faint sy’n eu defnyddio
- Mesur faint sy’n cymryd rhan mewn ystod o weithgareddau cymdeithasol a hamdden
- Monitro bwriadau o ran pleidleisio
