Beaufort research

Mae Beaufort yn cynnig gwasanaeth ymchwil feintiol ac ansoddol i’n cleientiaid gan ddefnyddio ystod eang o fethodolegau a’r dulliau casglu data diweddaraf. Byddwn bob amser yn cynllunio’r ateb mwyaf priodol i ddiwallu anghenion bob cleient, fel nad yw unrhyw ddau brosiect yr un fath. Gallwn ddarparu gwasanaeth ymchwil llawn, o’r cam dylunio prosiect i’r adroddiad, neu wasanaeth maes a thab, yn dibynnu ar ofynion cleientiaid.

O ran arolygon meintiol, rydym yn cynnig technolegau CAPI (Cyfweliadau Personol â Chymorth Cyfrifiadur), CATI (Cyfweliadau Ffôn â Chymorth Cyfrifiadur), a CAWI (Cyfweliadau Gwe â Chymorth Cyfrifiadur). Rydym hefyd yn awyddus i ddefnyddio technolegau a dulliau newydd o gyflawni gwaith ansoddol fel grwpiau ffocws byrddau bwletin, lle gall y rhain ychwanegu gwerth at brosiect.

Meintiol
Mae gan ein tîm gweithredol brofiad helaeth ym maes dylunio holiaduron a gall ddarparu holiaduron clir, eglur, ystyrlon a pherthnasol. Mae gennym hefyd lawer o brofiad o lunio samplau ac rydym yn gyfarwydd â thechnegau cwota a samplu ar hap.  Rydym yn ymfalchïo mewn darparu cyflwyniadau sy’n rhoi cyfarwyddyd clir i gleientiaid, a llunio argymhellion eglur y gellir gweithredu arnynt mewn adroddiadau.

Cynhelir pob elfen o’r prosiectau meintiol hyn yn fewnol, gan gynnwys casglu a nodi data, a thrwy hynny sicrhau’r ansawdd gorau.

Ansoddol
Mae gan Beaufort dîm bach ond medrus iawn o ymchwilwyr ansoddol gyda phrofiad helaeth o gymedroli grwpiau ffocws a hwyluso sesiynau gweithdy mwy. Ategir y tîm hwn yn ôl yr angen gan ambell gyswllt ansoddol, y mae gennym gydberthynas hirsefydlog â hwy. Mae ein tîm ansoddol yn cynnwys cymedrolwyr sy’n rhugl yn y Gymraeg.

Rydym yn ymfalchïo yn ein gallu i roi dealltwriaeth drwy astudiaethau ansoddol, yn hytrach na dim ond cynnig canfyddiadau naratif.  I helpu i gyflawni’r ddealltwriaeth hon ar ddiwedd y prosiect, mae’n hanfodol gofyn y cwestiynau cywir yn ystod y gwaith maes, felly rydym yn aml yn meithrin technegau alldaflol a galluogi priodol i ganllaw’r pwnc, i’n helpu i gael dealltwriaeth ddyfnach a helpu i ategu’r wybodaeth a gafwyd o ddehongli’r drafodaeth gyffredinol.

Rydym yn cymryd gofal i sicrhau bod ein cyflwyniadau PowerPoint yn cael eu haddasu i’r gynulleidfa a’i gofynion o ran amser a ffocws, a hefyd bod canlyniadau yn cael eu cyflwyno mewn ffordd sy’n ysgogi pobl i feddwl ac i weithredu.