Cymhwysodd Tîm Pêl-droed Cenedlaethol Merched Cymru am y tro cyntaf ar gyfer rownd derfynol twrnamaint mawr yn haf 2025. Er mwyn asesu effaith Merched Cymru yn cymryd rhan yn EURO 2025 yn y Swistir, comisiynodd Cymdeithas Bêl-droed Cymru (CBD), Beaufort i fonitro ymwybyddiaeth, gwybodaeth a brwdfrydedd y cyhoedd ynghylch Tîm Cenedlaethol y Merched. Roeddent hefyd eisiau mesur yr effaith y gallai cymryd rhan yn y twrnamaint ei gael ar debygolrwydd y cyhoedd i ymgysylltu â phêl-droed menywod yn y dyfodol, boed yn cefnogi'r tîm, mynychu gemau neu'n eu gwylio'n chwarae ar y teledu.

Cynhaliodd Beaufort 4 ton o ymchwil gyda'r cyhoedd yng Nghymru gan ddefnyddio arolwg Ciplun Beaufort i fonitro'r tueddiadau hyn cyn, yn ystod ac ar ôl y twrnamaint. Cynhaliwyd pob ton o'r arolwg Ciplun ar-lein gyda sampl newydd o 500 o oedolion, a chynlluniwyd y sampl i fod yn gynrychioliadol o boblogaeth Cymru. Oherwydd bod canlyniadau arolwg Ciplun Beaufort ar gael yn gyflym, gallai Cymdeithas Bêl-droed Cymru weld sut newidiodd y mesurau hyn wrth i'r twrnamaint fynd rhagddo.

Cynhaliwyd y don feincnod gyntaf ychydig wythnosau cyn i'r twrnamaint ddechrau. Cynhaliwyd yr ail don ar ôl i Gymdeithas Bêl-droed Cymru gyhoeddi aelodau’r garfan ar ben yr Wyddfa. Cynhaliwyd trydydd ton yr arolwg hanner ffordd drwy'r twrnamaint ar ôl i ferched Cymru chwarae eu holl gemau  eu grŵp. Cynhaliwyd y bedwaredd don a'r olaf wythnos ar ôl i'r twrnamaint orffen.

Drwy gynnal cyfres o arolygon byrion, gallom fonitro tueddiadau mewn lefelau ymwybyddiaeth, agweddau ac ymgysylltu wrth i'r twrnamaint fynd yn ei flaen ac roedd yn caniatáu inni asesu effaith gweithgareddau marchnata Cymdeithas Bêl-droed Cymru am gyfranogiad Menywod Cymru yn y twrnamaint. Dangosodd canfyddiadau'r arolwg gefnogaeth gref i Fenywod Cymru ac ymwybyddiaeth gynyddol o'u cyfranogiad yn y twrnamaint. Cynyddodd ymwybyddiaeth y cyhoedd o chwaraewyr unigol a'r rheolwr hefyd yn ystod yr arolwg terfynol. Mae'r cynnydd yn yr ymgysylltiad disgwyliedig gyda thîm Merched Cymru yn y dyfodol yn dangos y bydd eu cyfranogiad yn y twrnamaint yn arwain at etifeddiaeth barhaol. Enillodd Cymdeithas Bêl-droed Cymru wobr fyd-eang am eu hymgyrch y Fenter Bêl-droed Merched Orau.

‍