Yr Her

Mewn marchnad gwasanaethau ariannol gystadleuol, mae cynnal brand cryf a pherthnasol yn gofyn am fwy nag adborth cwsmeriaid achlysurol. Gall canfyddiadau o frand, lefelau ymwybyddiaeth ac effaith gweithgarwch marchnata newid dros amser, dan ddylanwad amodau economaidd ehangach, gweithgarwch cystadleuwyr a disgwyliadau cwsmeriaid sy’n esblygu.

Roedd Cymdeithas Adeiladu’r Principality angen sylfaen dystiolaeth gadarn i ddeall sut roedd ei brand yn perfformio ymhlith cwsmeriaid a’r cyhoedd ehangach, ac i werthuso effeithiolrwydd ei gweithgarwch marchnata, nawdd a datblygu brand. Roedd y sefydliad eisiau dull cyson a fyddai’n ei alluogi i:

• Monitro dangosyddion allweddol iechyd brand, gan gynnwys ymwybyddiaeth, cynefindra, ystyriaeth, ffafriaeth ac argymhelliad.
• Olrhain newidiadau mewn canfyddiadau o’r brand dros amser.
• Gwerthuso effaith gweithgarwch marchnata a nawdd.
• Cymharu perfformiad ar draws cynulleidfaoedd, rhanbarthau a grwpiau demograffig.
• Nodi cyfleoedd i gryfhau perthnasedd ac ymgysylltiad y brand.
• Cefnogi penderfyniadau marchnata a chyfathrebu gyda thystiolaeth ddibynadwy.

Yn hollbwysig, roedd angen i’r ymchwil ddarparu golwg hirdymor ar berfformiad y brand, gan alluogi’r Principality i wahaniaethu rhwng newidiadau gwirioneddol mewn agweddau defnyddwyr a newidiadau tymor byr.

Yr Ateb

Ers 2018, mae Beaufort Research wedi darparu rhaglen barhaus o olrhain brand ar gyfer Cymdeithas Adeiladu’r Principality, yn gyntaf yng Nghymru drwy Omnibws Cymru ac yn ddiweddarach wedi’i hymestyn i gynnwys Lloegr. Heddiw, cynhelir yr astudiaeth bedair gwaith y flwyddyn, gan ddarparu fframwaith cyson ac ystadegol gadarn ar gyfer monitro perfformiad y brand.

Mae’r rhaglen yn cyfuno mesur iechyd brand parhaus â gwerthuso ymgyrchoedd a nawdd, gan alluogi’r Principality i asesu perfformiad hirdymor y brand ac effaith gweithgarwch marchnata penodol o fewn un fframwaith.

Mae’r arolwg yn mesur ystod eang o ddangosyddion, gan gynnwys:

• Ymwybyddiaeth o’r brand a chynefindra â’r brand.
• Perchnogaeth cynhyrchion a’r tebygolrwydd o’u hystyried.
• Canfyddiadau o’r brand a’i enw da.
• Parodrwydd i argymell y brand.
• Perthnasedd y brand i wahanol gynulleidfaoedd.
• Ymwybyddiaeth o nawdd.
• Cof am hysbysebu a gweithgarwch marchnata.
• Negeseuon allweddol a gofir o ymgyrchoedd marchnata a’u priodoli.

Cefnogir y rhaglen gan adroddiadau manwl, dadansoddi tueddiadau, dangosfyrddau rhyngweithiol a sesiynau adborth rheolaidd, gan helpu’r Principality i drosi canfyddiadau ymchwil yn gamau ymarferol a phenderfyniadau strategol.

Y Canlyniad

Mae’r rhaglen olrhain barhaus wedi dod yn ffynhonnell ganolog o dystiolaeth ar gyfer deall perfformiad y brand a gwerthuso effeithiolrwydd marchnata.

Mae’r ymchwil wedi galluogi’r Principality i:

• Monitro cryfder y brand a mesurau canfyddiad allweddol yn gyson dros amser.
• Deall sut mae ymwybyddiaeth, cynefindra, perthnasedd ac ystyriaeth yn amrywio rhwng gwahanol gynulleidfaoedd a rhanbarthau.
• Mesur gwelededd ac effaith hysbysebu, nawdd a gweithgarwch ymgyrchoedd.
• Nodi pa negeseuon ymgyrchu sy’n atseinio gryfaf gyda’r cyhoedd.
• Gwerthuso effeithiolrwydd lleoliad y brand yn y farchnad a strategaethau cyfathrebu sy’n esblygu.
• Llywio buddsoddiadau marchnata yn y dyfodol, cynllunio ymgyrchoedd a gwneud penderfyniadau strategol.

Drwy gyfuno olrhain brand a gwerthuso ymgyrchoedd o fewn un rhaglen, mae’r Principality yn gallu mynd y tu hwnt i fesur ymwybyddiaeth yn unig a deall sut mae gweithgarwch marchnata yn cyfrannu at amcanion ehangach y brand.

Tysteb y Cleient

Mae Beaufort wedi bod yn bartner dibynadwy i’r Principality ers nifer o flynyddoedd. Yn ystod y cyfnod hwnnw, mae’r Principality wedi mynd drwy gyfnodau o newid sylweddol ac mae’r brand wedi esblygu yn unol â hynny. Mae cael partner asiantaeth sy’n buddsoddi amser i ddeall ein busnes wedi bod yn amhrisiadwy gan ei fod wedi ein galluogi i lunio ac addasu ein rhaglen olrhain fel ei bod yn parhau’n offeryn busnes pwerus. Mae Beaufort yn gydweithwyr gwirioneddol ac yn herwyr adeiladol, a dyna pam eu bod wedi dod yn bartner busnes dibynadwy i’r Principality.

Lucy Tarrant, Uwch Reolwr Ymchwil, Cymdeithas Adeiladu’r Principality