Mae ansicrwydd economaidd a costau yn pwyso ar fusnesau Cymru

Mae mwy na hanner busnesau Cymru (52%) yn disgwyl i’r sefyllfa economaidd yng Nghymru waethygu dros y 12 mis nesaf, tra bod dim ond 14% yn disgwyl iddi wella, yn ôl canfyddiadau diweddaraf Arolwg Omnibws Busnes Beaufort, sy’n seiliedig ar 500 o gyfweliadau ffôn gyda phenderfynwyr busnes ledled Cymru.

Roedd busnesau ychydig yn llai pesimistaidd ynghylch eu sefyllfa ariannol eu hunain nag ynghylch yr economi ehangach, er bod disgwyliadau’n dal i bwyntio’n fwy tuag at ddirywiad nag at welliant. Mae traean (33%) yn disgwyl i’w sefyllfa ariannol waethygu dros y 12 mis nesaf, o gymharu â 17% sy’n disgwyl iddi wella, tra nad yw 44% yn disgwyl llawer o newid.

Mae’r canfyddiadau hefyd yn amlygu’r heriau sy’n wynebu busnesau ledled Cymru. Mae naw o bob deg (91%) yn cytuno bod costau cynyddol yn cael effaith sylweddol ar eu sefydliad, tra bod 88% yn dweud bod rheoli costau ac ymrwymiadau parhaus wedi dod yn fwy heriol.

Canfu’r arolwg hefyd fod chwarter y busnesau (25%) yn rhagweld y gallai fod angen lleihau nifer y staff oherwydd amodau economaidd, er bod 41% yn anghytuno bod hyn yn debygol o fod yn angenrheidiol.

Er gwaethaf y pwysau hyn, mae 61% o fusnesau yn cytuno bod y galw am eu cynhyrchion neu wasanaethau yn gryf ar hyn o bryd, gan awgrymu bod llawer o sefydliadau’n parhau i weld lefelau iach o alw gan gwsmeriaid, hyd yn oed yn erbyn cefndir o ansicrwydd economaidd a phwysau costau.

Dysgwch fwy am sut y gall Arolwg Omnibws Busnes Beaufort ddarparu mynediad cost-effeithiol i farn busnesau ledled Cymru yma.

Neu, am ragor o wybodaeth am yr arolwg nesaf, cysylltwch â thîm Beaufort yma.