Beth yw'r swydd?

Swydd dros gyfnod mamolaeth yw hon, hyd at 12 mis, gan ddod i ben yn Chwefror 2027 - gyda’r potensial o ddod yn swydd barhaol yn ddibynnol ar anghenion busnes a pherfformiad.

Fel Uwch Swyddog Gweithredol Ymchwil / Rheolwr Ymchwil, byddwch wrth wraidd ein gwaith gyda chleientiaid. Byddwch yn cymryd yr awenau ar amrywiaeth o brosiectau ansoddol a meintiol, gan eu harwain o’r briff cychwynnol hyd at y cyflawniad terfynol. Un diwrnod efallai y byddwch chi'n dylunio arolwg ar-lein neu'n llunio canllaw trafodaeth, a'r diwrnod nesaf gallech chi fod yn cymedroli grwpiau ffocws, yn cyfweld â rhanddeiliaid cleientiaid neu'n drafftio canfyddiadau ar gyfer cleientiaid.

Gan ein bod yn dîm bach, byddwch yn cael y cyfle i gymryd rhan ym mhob agwedd o’r ymchwil, yn aml yn gweithio’n agos â Chyfarwyddwyr ond hefyd yn annibynnol. Ochr yn ochr â rheoli prosiectau o ddydd i ddydd, byddwch yn drafftio cynigion, yn cefnogi datblygiad busnes, ac yn cynorthwyo lle bynnag y gall eich sgiliau wneud gwahaniaeth.

Rydym yn chwilio am rywun sydd â phum mlynedd neu ragor o brofiad yn gweithio ar draws methodolegau ansoddol a meintiol, sydd yn mwynhau cydbwyso nifer o brosiectau a chymryd perchnogaeth wirioneddol o’u gwaith. Byddwch yn meddu ar sgiliau dadansoddi a dehongli data meintiol ac ansoddol a’i grynhoi’n fewnwelediadau clir sy’n helpu cleientiaid wneud penderfyniadau hyderus a gwybodus. Os ydych yn chwilfrydig, yn cydweithredu’n dda ac yn naturiol ragweithiol, mi fyddwch yn addas iawn. Mae sgiliau Cymraeg yn fanteisiol, ond nid ydynt yn hanfodol.

Ein horiau gweithio safonol yw dydd Llun i ddydd Gwener, 9am tan 5pm, ond rydym yn aml yn gweithio’n hyblyg, p’un a yw hynny’n cymedroli grwpiau ffocws gyda’r nos neu gwrdd â chleient sydd ag amserlen dynn.

Fel rhan o’r swydd, byddwch yn:

• Drafftio / cyfrannu at gynigion cymhellol ar gyfer astudiaethau ansoddol a meintiol
• Dylunio / helpu i ddylunio prosiectau ymchwil o'r cychwyn cyntaf, o lunio holiaduron a chanllawiau pwnc i lunio cynlluniau samplu a datblygu deunyddiau ysgogi
• Arwain ar redeg prosiectau o ddydd‑i‑ddydd, weithiau ochr yn ochr â Chyfarwyddwr / Cyfarwyddwr Cyswllt, a chymryd perchnogaeth lawn o brosiectau dethol o'r cychwyn cyntaf hyd at eu cwblhau
• Chwarae rhan weithredol yn nhwf Beaufort, gan gyfrannu syniadau ar gyfer datblygiad busnes a chefnogi ein hymdrechion marchnata
• Datblygu a meithrin perthnasoedd cadarn â chleientiaid, gan weithredu fel pwynt cyswllt drwy gydol y broses ymchwil
• Cydweithio’n agos â chyd-weithwyr gweithredol i sicrhau fod prosiectau’n rhedeg yn llyfn, yn effeithlon ac yn unol â’r amserlen
• Ymgymryd â gwaith maes ansoddol (ar-lein yn bennaf ac wyneb yn wyneb yn achlysurol), cymedroli grwpiau ffocws a gweithdai, cynnal cyfweliadau manwl gydag aelodau o’r cyhoedd, busnesau a rhanddeiliaid sy’n gleientiaid.
• Dadansoddi a dehongli prif ddata ansoddol a meintiol i ddod o hyd i fewnwelediadau o bwys
• Dylunio a chyflwyno cyflwyniadau/adroddiadau deniadol i gleientiaid, gan drosi canfyddiadau yn naratifau clir a gweithredadwy
• Gweithio’n effeithiol gyda chyflenwyr allanol a chontractwyr, gan sicrhau ansawdd ac y cyflawnir y prosiect yn llyfn
• Monitro costau’r prosiect i gadw cyllidebau ar y llwybr cywir.

Beth sydd ei angen arnaf?

Yr hyn yr ydym yn chwilio amdano:

• 5+ mlynedd o brofiad o ymchwil i’r farchnad ansoddol a meintiol
• Sgiliau cyfathrebu rhagorol
• Sgiliau TG rhagorol (gan gynnwys dylunio cyflwyniadau)
• Y gallu i roi sylw rhagorol i fanylion
• Agwedd hyblyg at waith
• Sgiliau rhifedd da
• Gallu datblygu perthnasoedd gweithio cadarnhaol gyda chydweithwyr a chleientiaid
• Gallu gweithio’n bwyllog dan bwysau ac fel rhan o dîm
• Hawl i weithio yn y DU.

Rydym yn croesawu ceisiadau gan siaradwyr Cymraeg rhugl gan fod nifer o’n prosiectau’n cael eu cynnal yn ddwyieithog.

Manteision

• 26 diwrnod o wyliau (gan gynnwys diwrnod eich pen-blwydd) ynghyd â Gwyliau’r Banc a gwyliau ychwanegol dros y Nadolig
• Parcio am ddim yng nghanol Caerdydd os bydd angen
• Pensiwn cwmni
• Aelodaeth campfa
• Gweithio hybrid; gellir ystyried gweithio’n gyfan gwbl o bell
• Ffôn symudol cwmni
• Tâl salwch
• Gwisg hamddenol

Fel cyflogwr cyfle cyfartal, rydym yn annog amrywiaeth ac wedi ymrwymo i greu amgylchedd cynhwysol i bob gweithiwr. Rydym hefyd yn cefnogi cyfranogiad ag elusennau a grwpiau cymunedol.

Y camau nesaf

Anfonwch eich CV, disgwyliadau cyflog, a nodyn eglurhaol yn dweud wrthym pam y byddech chi'n addas i’r rôl hon i recruitment@beaufortresearch.co.uk erbyn 9 Chwefror 2026. Byddwn yn cysylltu â chi ar ôl y dyddiad cau i roi gwybod i chi am y canlyniad.

Cyn dechrau gweithio i Beaufort Research, bydd gofyn i chi gwblhau ein proses sgrinio cyn cyflogaeth yn llawn, sy’n cynnwys gwiriadau cofnodion troseddol sylfaenol.