Tom Tanner

Fel Dadansoddwr Data yn Beaufort, mae Tom yn gyfrifol am greu sgriptiau arolygon ar gyfer ymchwil ar-lein, dros y ffôn, ac wyneb yn wyneb, yn ogystal â chynnal gwaith rheoli ansawdd a dadansoddi data meintiol. Mae o’n gweithio’n rheolaidd gyda SNAP, IdWeb, SPSS, a phlatfform delweddu data ac arolygon Forsta.

Ar ôl graddio gyda BSc (Anrh) mewn Cyfrifiadureg o Brifysgol Abertawe, ymunodd Tom â Beaufort gyda phrofiad cadarn mewn dadansoddi ac adrodd ar ddata. Gydag angerdd dros dechnoleg a diddordeb mewn datblygiad meddalwedd, mae’n reddfol chwilfrydig, yn mwynhau mynd i’r afael â phroblemau newydd, ac mae’n mwynhau clywed am y datblygiadau diweddaraf yn y maes.

Yn ei amser sbâr, mae Tom yn mwynhau chwarae’r gitâr, cadw’n heini drwy feicio a chwarae tennis, ac mae’n dysgu Sbaeneg yn araf deg.